Neçîrvan Barzanî bi Mezlûm Ebdî re civiya û di vê civînê de rewşa giştî ya Sûriyeyê, pirsa Kurdan di vê welatî de û dawî pêşveçûnên herêmê hatin nîqaşkirin û nirxandin.
Êvara duşemê, 12 Cotmehê, Neçîrvan Barzanî, Serokê Herêma Kurdistanê, pêşwazî li Mezlûm Ebdî kir.
Di vê civînê de, rewşa giştî ya Sûriyeyê, rewşa Kurdan li vê welatî û dawî pêşveçûnên herêmê hatin nîqaşkirin û her du aliyan tekez li ser girîngiya parastina aramî û îstîqrarê kirin.
Serokê Herêma Kurdistanê careke din tekez li ser piştgiriya Herêma Kurdistanê ji bo Sûriyeyeke aram û bi îstîqrar kir, ku mafên Kurdan û hemû kêmneteweyên din ên wê biparêzin. Her wiha ew bal kişand ser girîngiya pêşxistina têkilî û hevkariyên Iraq û Herêma Kurdistanê bi Sûriyeyê re.
Ji aliyê xwe ve, Mezlûm Ebdî spas û pêzanîna xwe ji bo helwest û piştgiriya berdewam a Serokê Herêma Kurdistanê ji mafên Kurdan û hewildanên wî di rêya aşitî û îstîqrarê de anî ziman.
