Serokê Herêma Kurdistanê pêşwaziya hevserokê Partiya DEMê kir. Di vê hevdîtinê de, pêvajoya aştiyê li Tirkiyeyê û pêşketinên dawî hatin nîqaşkirin û li ser pêwîstiya piştgiriya hemû aliyên vê pêvajoyê hat tekez kirin.
Sibê îro, sêşem 13ê Cotmehê, Neçîrvan Barzanî, Serokê Herêma Kurdistanê, li Hewlêrê pêşwaziya Tuncer Bakirhan, hevserokê Partiya Wekhevî û Demokrasiya Gelan (Partiya DEMê) ya Tirkiyeyê kir.
Di vê hevdîtinê de, pêvajoya aştiyê li Tirkiyeyê û pêşketinên wê yên dawî hatin nîqaşkirin. Her du aliyan li ser girîngiya nirxandina vê derfeta dîrokî ji bo gihiştina aştiyê tekez kirin û careke din ragihandin ku ev derfet divê ji dest neçe. Herwiha li ser pêwîstiya piştgiriya hemû rengan ji vê pêvajoyê hat amajekirin.
Serokê Herêma Kurdistanê, piştî ku piştgiriya xwe ji pêvajoya aştiyê re dîsa eşkere kir, amadebûna xwe ji bo her cure alîkariyeke pêwîst ji bo serkeftina vê pêvajoyê ragihand û li ser girîngiya aştiyê ji bo ewlekarî û îstiqrara Tirkiyeyê û tevahiya herêmê tekez kir.
Ji aliyê xwe ve, Tuncer Bakirhan spas û rêzgirtina xwe û ya Partiya DEMê ji bo helwest û hewildanên berdewam ên Serokê Herêma Kurdistanê di warê alîkarî û piştgiriya vê pêvajoyê de anî ziman.
