Serok Barzanî bi rêveberê karûbarên Balyozxaneya Amerîkayê li Iraqê re civiya; di civînê de ku Gwendolen Wendy Green, konsula giştî ya Amerîkayê li Hewlêrê amade bû, rewşa Iraqê hate nîqaşkirin û Balyoz Steve Fagan spasî rola Serok Barzanî kir ku her tim ji nêz ve piştgirîya pêvajoya siyasî ya Iraqê kiriye.
Roja Çarşemê 21-yê Çileya 2026 li Pirmamê, Serok Mesûd Barzanî pêşwazî li Balyoz Steve Fagan, rêveberê karûbarên Balyozxaneya Amerîkayê li Iraqê, kir.
Di civînê de ku Gwendolen Wendy Green, konsula giştî ya Amerîkayê li Hewlêrê amade bû, rewşa Iraqê hate nîqaşkirin û Balyoz Steve Fagan spasî rola Serok Barzanî kir ku her tim ji nêz ve piştgirîya pêvajoya siyasî ya Iraqê kiriye. Ji aliyê xwe ve, Serok Barzanî îşaret pê da ku wan, li ser bingeha destûrê û prensîbên hevparî, hevsengî û lihevhatinê, têkiliyên xwe bi Iraqê re rêkxistine. Herwiha Serok Barzanî îşaret pê da ku ger hikûmetên berê yên Iraqê pabendê van bingehan bûna, dê destkeftên pir zêdetir ji bo Iraqê û hemû pêkhateyan bi giştî pêk bihata.
Serok Barzanî herwiha got ku ew piştgirîya serokwezîrê heyî yê Iraqê dikin, di çarçoveya destûrê û parastina mafên rewa yên gelê Kurdistanê de ku di destûrê de hatine diyarkirin. Herwiha Serok Barzanî li ser piştgirîkirina pêkhateyên Kurdistanê, bi taybetî xwişk û birayên Xirîstiyan, li ser bingeha rêz û mafê destûrî û hevpariyê, tekez kir û îşaret pê da ku divê pêkhate bixwe li ser çarenûsa xwe biryar bidin. Serok Barzanî îşaret bi girîngiya sererastkirina qanûna hilbijartinan kir, ji bo ku xwişk û birayên Xirîstiyan îradeya xwe bi destê xwe nîşan bidin û kes li şûna wan biryar nede.
Di dirêjahiya civînê de rewşa herêmê hate nîqaşkirin û Serok Barzanî tekez li ser vê yekê kir ku siyaseta me ji destpêkê ve zelal û eşkere bûye û em nebeşek bûn ji tevliheviyan û ne jî dibin beşek ji pevçûn û pirsgirêkan. Digel vê yekê, em dibînin baş e ku hemû aliyên pirsgirêkên xwe bi gotûbêj, diyalog û rêya dîplomasiyê çareser bikin.
Ji aliyê xwe ve, şanda Amerîkî pabendbûna xwe bi ewlehî û stabîlîteya Iraqê û Herêma Kurdistanê re dubare kir û ragihand ku bidawîhatina erkê hevalbendên navneteweyî ne wateya bidawîhatina pabendbûna Amerîkayê bi Herêma Kurdistanê û Iraqê re ye. Herwiha di borî de hevalbendên navneteweyî li ser daxwaza hikûmeta Iraqê li vir bûn û bi hevkariya bi pêşmerge û hêzên Iraqê re DAÎŞ têk birin. Wan jî tekez kir ku Amerîka ji aliyên ewlehî, aborî, siyasî û leşkerî ve, di çarçoveya têkiliyên dualî de, pabendê parastina stabîlîteyê û hevalbendiya bi Herêma Kurdistanê û Iraqê re ye.
Ji bo dîtina vê vîdyoyê ji kerema xwe JavaScript çalak bikin û bifikirin ku gerokek webê nûve bikin ku piştgirî dide vîdyoya HTML5
- Beş
- danasîn neçalak e, hilbijartî
- mîhengên jêrenivîsê, diyaloga mîhengên jêrenivîsê vedike
- jêrenivîs neçalak e, hilbijartî
Ev pencereyekî modalan e.
Destpêka pencereya diyalogê. Escape dê betal bike û pencereyê bigire.
Dawiya pencereya diyalogê.
