Mesrûr Barzanî, Serokê Hikûmeta Herêma Kurdistanê, bi xwediyên kargeh û veberhênerên herêma Badînan re civiya. Mesrûr Barzanî ragihand ku em ê berdewam bikin di hêsankirina karên sektora taybet de.
Piştî nîvroya îro duşemê 26yê Çirîna Yekemê, Mesrûr Barzanî, Serokê Hikûmeta Herêma Kurdistanê, li bajarê Dihokê bi hejmarek ji xwediyên kargeh, peymankar û veberhêneran re civiya.
Serokê Hikûmetê bi spasdarî behsa rola girîng a sektora taybet li Herêma Kurdistanê kir di alîkariya Hikûmeta Herêma Kurdistanê de ji bo pêşxistina hemalî ya aborî û avakirina binesaziyeke aborî ya bihêz.
Serokê Hikûmetê spasî sektora taybet kir ku ligel hikûmetê roleke çalak di pêşxistina zêdetir a tevgera bazirganiyê û afirandina derfetên kar ji bo ciwanên Kurdistanê hebûye. Herwiha dubare kir ku Hikûmeta Herêma Kurdistanê dê berdewam bike di piştgiriya sektora taybet û pêşkêşkirina hêsankariyan de, da ku hemû sektor pêş bikevin û ji bo welatiyên Herêma Kurdistanê xizmetguzariyeke baştir bê pêşkêşkirin.
