Serokatiya Herêma Kurdistanê bi tundî ew êrîşa ku li ser Balafirgeha Navneteweyî ya Şah Xalid li bajarê Riyadê hat kirin, şermezar kir; di heman demê de sersaxî û piştgiriya xwe ji bo serokatiyê, hukûmet û gelê Siûdî derbirî.
Îro yekşem 11ê Çirîna yekê 2026, Serokatiya Herêma Kurdistanê di daxuyaniyekê de belav kir: "Em bi tundî ew êrîşê şermezar dikin ku duh şemî li ser Balafirgeha Navneteweyî ya Şah Xalid li Riyada paytexta Erebistana Siûdî hat kirin û bû sedema ku hejmarek qurbanî û birîndar li nav gelê de çêbibin".
Di daxuyaniyê de hatiye: "Em serxweşî, sersaxî û hevxemî ji serokatiya, hukûmet û gelê Padîşahiya Erebistana Siûdî û malbatên qurbanî re radikin û hêviya başbûna bilez a birîndaran dixwazin".
Serokatiya Herêma Kurdistanê di dawiya peyamê de piştrast kir: "Em piştgirî û hevsoziya xwe bi Padîşahiya Erebistana Siûdî re dubare dikin û careke din hewcedariya parastina jiyana sivîlan, rawestandina tengezariyan û parastina ewlekarî û îstiqrara herêmê bi tundî piştrast dikin".
