Rêveberiya Giştî ya Şaredariyên Hewlêrê, di agahdariyeke bilez de, ji hemû wan karûbaran dixwaze ku dikevin nav sînorê serokatiyên şaredariyên (Bêneslawa, Behrke, Dareto û Kesnezên), di zûtirîn demê de serdana şaredariyên têkildar bikin.
Li gorî agahdariyê, serdana karûbaran ji bo temamkirin û rêkûpêkkirina dosyaya lêkolîna erdên wan e, ev jî ji bo leztir birêveçûna prosedurên îdarî û dabeşkirina erdê ye.
Di heman demê de, rêveberiyên şaredariyan tekez dikin ku divê karûbar di dema xwe de serdanê bikin, ji ber ku di rewşa derengmayîna wan de, prosedurên dayîna erdên wan dê were paşxistin.
