Polîsa Helebçeyê ragihand, bi biryara lîjneyaya ewlekariyê, anîna her cure çek, materyalên teqemenî û lîstikên agirîn bo nav 12-emîn festîvala hinar û payîza Helebçeyê bi tevahî qedexe ye.
Îro sêşem, 27-yê Çiriya yekemîn a 2026, rêveberiya polîsa parêzgeha Helebçeyê di daxuyaniyekê de ji bo welatiyan û gerokan belav kir: Ji ber li darxistina 12-emîn festîvala hinar û payîza Helebçeyê û li ser biryara lîjneyaya ewlekariya parêzgeha Helebçeyê, ji bo parastina ewlehiya beşdaran û piştrastbûna ku festîval bi awayekî aram û rehet were lidarxistin, anîna her cure çek, lîstikên agirîn, materyalên teqemenî û her cure materyalên qedexekirî bo nav cihê festîvalê qedexe ye.
Di daxuyaniyê de hatiye gotin, ji hemû welatî û beşdaran tê xwestin ku bi tevahî pabendî rêbernameyên ewlekariyê bin û ji hilgirtin û anîna çek û her cure materyalên neqanûnî xwe biparêzin, ji bo parastina ewlehiya giştî.
