Serokê Hikûmetê bi berpirs û fermandeyên pêşmerge, polîs û hêzên ewlehiya navxweyî re civiya û Masrûr Barzanî ji hêzên ewlehiyê re ragihand ku di bicihanîna qanûnê û cezakirina sûcdaran de îhmalê nekin.
Îro şemî 24yê Çiriya yekemê, Masrûr Barzanî, Serokê Hikûmeta Herêma Kurdistanê, li bajarê Dihokê bi berpirs û fermandeyên pêşmerge, polîs û hêzên ewlehiya navxweyî re civiya.
Serokê Hikûmetê spasiya hewl û westiyana pêşmerge, polîs û hêzên ewlehiya navxweyî kir ji bo parastina welatiyan û ewlehî û aramiya Herêma Kurdistanê. Herwiha li ser serweriya qanûnê rawestiya û daxwaz kir ku di bicihanîna qanûnê, cezakirina sûcdaran û parastina can û malê welatiyan de erkên xwe bi cih bînin û tu îhmalkariyekê nekin.
