Serokwezîrê Herêma Kurdistanê pêşwazî li karêkêrdêra Balyozxaneya Dewletên Yekbûyî yên Amerîkayê li Iraqê kir û di vê hevdîtinê de mijarên çalakikirina parlamentoyê, avakirina kabîneya nû û pêwîstiya diyarkirina 14.14 ji sedî ya budceya 2027ê ji bo Herêma Kurdistanê hatin nîqaşkirin û nirxandin.
Îro Çarşem, 21 Cotmeha 2026, Mesrûr Barzanî, serokwezîrê Herêma Kurdistanê, pêşwazî li balyoz Steve Fagen, karêkêrdêra Balyozxaneya Dewletên Yekbûyî yên Amerîkayê li Iraqê, kir.
Di vê civînê de, ku konsulê giştî yê Dewletên Yekbûyî yên Amerîkayê li Herêma Kurdistanê Gewendolin (Wendî) Grîn jî amade bû, her du aliyan li ser pêşxistina bêtir a têkiliyên dualî û girîngiya parastina ewlehî û îstiqrara li Herêma Kurdistanê li hev bûn.
Karêkêrdêra Balyozxaneya Amerîkayê pabendbûna welatê xwe bi berdewamkirina piştgiriya Herêma Kurdistanê eşkere kir.
Serokwezîr jî spas û sipasiya Herêma Kurdistanê ji bo piştgiriya Dewletên Yekbûyî careke din tekez kir.
Her du aliyan li ser pêwîstiya çalakikirina Parlamentoya Kurdistanê û avakirina kabîneya nû ya Hikûmeta Herêma Kurdistanê tekez kirin.
Di beşekî din ê gotûbêjan de, mafên bingehîn û daxwazên darayî yên Herêma Kurdistanê hatin nîqaşkirin. Serokwezîr tekez kir ku pêwîst e paya budceya Herêmê ji budceya giştî ya federal ji bo sala 2027ê bi awayekî dadperwerane û li gorî rêjeya 14.14 ji sedî ya nifûsa Herêma Kurdistanê were veqetandin.
