Di demek kêmtir ji 24 saetê de, hêzên beşa polîsiyê pêşîlêgirtina sûcê Soran kesekî bi tawanbariya sextekariyê û dizîna mûçeya welatiyan bi rêya karta bankê girtin.
Îro pêncşem, 22 ya Cotmehê yekê, rêveberiya polîsiyê Soran ragihand: Di roja 19/10/2026 de, welatiyekî gilî tomar kiriye ku dema serdana amûrekî kişandina pereyan (ATM) li bajarê Soran ji bo wergirtina mûçeya pêşmergeyiyê, kesekî bi hinceta alîkariyê karta bankê û hejmara veşartî ya wî ji dest wergirtiye û kartên din ên sexte an jî yên kesekî din pê daye, paşê mûçeya wî bi rêya sextekariyê kişandiye û biriye.
Piştî vekirina dosyaya lêkolînê û bi razîbûna dadwer, hêzên polîsê karîne di demek kêmtir ji 24 saetê de nasnameya tawanbar bi navê (A. A. H.) diyar bikin û bigirin. Di dema girtina wî de jî, çend karta bankê ya welatiyên din li cem wî bûn û hatin desteserkirin.
Lêkolînên destpêkê nîşan didin ku tawanbar sûcê xwe qebûl kiriye û îşaret bi vê yekê kiriye ku mebesta wî bûye heman kar li hember çend welatiyên din dubare bike. Niha jî bi biryara dadwer û li gorî madeya 456 ya qanûna cezakirinê hatiye girtin û prosedurên qanûnî li dijî wî berdewam in.
Ji aliyê xwe ve, rêveberiya polîsiyê Soran hişyarî dide welatiyan ku di dema bikaranîna amûrên (ATM) de bi tevahî hişyar bin û karta bankê û hejmarên veşartî yên xwe nedin kesekî nenas. Herwiha ji wan welatiyan dixwaze ku berê rastî vê rewşê hatine, serdana beşa polîsiyê pêşîlêgirtina sûcê li Soran bikin ji bo tomar kirina gilîyekî qanûnî.
