Duh Duşemê li torên civakî belav bû ku welatiyek li ser riya Hewlêr – Şeqlawe hatiye kuştin, lê îro Ewlekariya Hewlêrê vîdyoyek belav kir û ragihand: ew welatî di qezayeke trafîkê de jiyana xwe ji dest daye û ajokar jî hatiye girtin.
Îro sêşem 6-ê Çiriya Pêşîn a 2026-an, Rêveberiya Ewlekariya Hewlêrê di ravekirinekê de ragihand: di roja 4-ê Çiriya Pêşîn a 2026-an de, li ser riya (Hewlêr - Şeqlawe), li nêzî gundê Baneman, termê welatiyekî bi navê (Senan Ebdulrehman Taha) hat dîtin.
Di ravekirinê de hatiye gotin: yekser ji aliyê tîma sûcê Rêveberiya Ewlekariya Hewlêrê ve û bi koordînasyonê bi Rêveberiya Ewlekariya Pîrmem re, lêkolîn dest pê kir; derket holê ku erebeyeke barkêş xwe li wê welatî daye û paşê termê wî li cihê bûyerê hiştiye û reviye.
Ewlekariya Hewlêrê herwiha amaje bi wê kir ku piştî nasnameya ajokar hate eşkerekirin û bi biryara dadwerî ya lêkolîna ewlehiyê, tawanbar bi navê (G. S. S.) hat girtin. Di lêkolînan de jî derket holê ku bûyer qezayeke trafîkê bûye û lêkolîn li ser hemû hûrguliyên wê berdewam e.
