بەرەبەیانی ڕۆژی چوارشەممە، ئەمریکا زنجیرەیەک هێرشی کردە سەر چەند ناوچەیەکی ئێران و هەردوو وڵات یەکتر بە پێشێلکاری تۆمەتبار دەکەن.
میدیاکانی ئێران بڵاویان کردەوە، دەنگی 7 تەقینەوە لە شاری سیریک و 5 تەقینەوەی دیکە لە دوورگەی قشم لە بەندەر عەباس بیستراون.
وەزارەتی دەرەوەی ئێران ڕایگەیاند، هێرشەکانی بەرەبەیانی (سێنتکۆم) و هەڵوەشاندنەوەی مۆڵەتی نەوتیی ئەو وڵاتە لە لایەن ئەمریکاوە، بە پێشێلکاریی ئاشکرای بڕگەکانی 1، 2 و 10ـی لێکتێگەیشتنی نێوان تاران و واشنتن دەزانێت.
لە بەرانبەردا، فەرماندەیی ناوەندیی ئەمریکا (سێنتکۆم) ئاشکرای کرد: ئەم هێرشانەی ئەمریکا بۆ سەر ئێران وەڵامێکە بۆ پەلامارەکانی ئەو وڵاتە بۆ سەر سێ کەشتیی بازرگانی کە بە گەرووی هورمزدا تێپەڕ دەبوون. ئەو دەستدرێژییە ئاشکرا و بێپاساوەی ئێران، کارێکی مەترسیدار و پێشێلکارییەکی ڕوونی ئاگربەست بووە.
هاوکات (سێنتکۆم) ئاماژەی بەوە کردووە، لە ئۆپەراسیۆنەکەدا زیاتر لە 80 پێگەیان لە ئێران کردووەتە ئامانج.
