وەزارەتی تەندروستیی ئێران دوایین ئاماری كوژراو و بریندارانی لە ئەنجامی هێرشە ئاسمانییەکانی شەوی رابردووی ئەمریکا بۆ سەر چەند ناوچەیەکی ئێران بڵاو كردەوە.
وەزیری تەندروستیی ئێران بۆ ئاژانسی (تەسنیم) قسەی كردووە و ڕایگەیاندووە: لە ئەنجامی ئەو هێرشانەی کە شەوی رابردوو چەند پارێزگایەکیان کردبووە ئامانج، 18 کەس کوژران و 108 كەسی دیكەش بریندار بوون.
شەوی رابردوو سوپای ئەمریكا ئەنجامدانی زنجیرەیەك هێرشی دیكەی بۆ سەر ناوچەكان لەنزیك گەرووی هورمز و لە باشووری ئێران راگەیاند.
زۆربەی قوربانییەكان لە ئەنجامنی هێرشەكەی شەوی رابردوو لە شاری سیریك لە سنووری پارێزگای هورمزگان لە باشووری ئێران بووە كە مووشەكێك بەر هۆڵێكی ئاهەنگگێڕانی هاوسەرگیری كەوتووە و ژمارەیەك هاووڵاتی كوژراون و بریندار بوون.
