بەرپرسێکی ئێرانی ئاشکرای کردووە کە وڵاتەکەی پێشنیازێکی نوێی ئاڕاستەی ئیدارەی ئەمریکا کردووە بۆ وەستانی شەڕ و کردنەوەی گەرووی هورمز بەڕووی كەشتییە بازرگانییەكاندا.
ئاژانسی (ڕۆیته‌رز) ئەمڕۆ سێشەممە لەسەر زاری بەرپرسێكی ئێران گواستییەوە: ئەو شاندەی ئێران كە ئێستا لە نیویۆرکن بە مەبەستی بەشداریكردن لە كۆبوونەوەی نەتەوەیەكگرتووەكان، لەلان سەرۆكایەتی ئێرانەوە دەسەڵاتی تەواوی پێدراوە بۆ دووبارە زیندووكردنەوە و دەستپێكردنەوەی گفتوگۆ دیپلۆماسییەكان لەگەڵ ئەمریکا.
بڵاویشی كردەوە: شاندەكەی ئێران لە نیویۆڕک دەسەڵاتی ئەوەیان پێدراوە لە ڕێگەی وڵاتانی نێوەندگیرەوە گفتوگۆ لەگەڵ بەرپرسانی ئەمریكا بكەن بە مەبەستی کۆتاییهێنان بە کردەوە سەربازییەکان.
بەرپرسەكەی ئێران بە میدیا ئەمریكییەكەی راگەیاندووە: ئەو پێشنیازە نوێیەی كە بە ئیدارەی ئەمریكای دراوە ئەوەیە كە ئێران لە ماوەی 7 ڕۆژدا گەرووی هورمز بکاتەوە، بەو مەرجەی ئەمریكاش لای خۆیەوە گوشارە سەربازییەکان کەم بكاتەوە و گەماڕۆکانی سەر ئێران سووك بكاتەوە یاخود هەڵبگرێت.
ئاماژەی بەوەش کردووە کە ئەم پێشنیازە نوێیەی ئێران چەند رۆژێكە و لە ڕێککەوتی 16ی ئەیلوول لە ڕێگەی وڵاتانی نێوەندگیرەوە ڕادەستی ئەمریکا کراوە.
