میدیاکانی لوبنان بڵاویانکردەوە، کە فڕۆکە جەنگییەکانی ئیسرائیل 2 هێرشی ئاسمانیی نوێیان کردووەتە سەر شارۆچکەی "نەبەتییە فەوقا" (Nabatieh al-Fawqa) کە دەکەوێتە ناوچەکانی باشووری لوبنان.
ئەم هێرشانە لە چوارچێوەی پەرەسەندنە سەربازییەکانی ئەم دواییەی نێوان ئیسرائیل و لوبناندایە. تا ئێستا میدیا فەرمییەکان و تیمەکانی فریاگوزاری زانیاریی وردیان لەبارەی قەبارەی زیانە گیانی و ماددییەکانی ئەو دوو هێرشە ئاسمانییە بڵاونەکردووەتەوە.
ناوچەکانی باشووری لوبنان لە ئێستادا لە دۆخێکی هەستیاری ئەمنیدا دەژین و هێرشە ئاسمانییەکانی ئیسرائیل بۆ سەر چەند ناوچەیەکی جیاواز بەردەوامییان هەیە، ئەمەش لە کاتێکدایە کە هەوڵە دیپلۆماسییەکان بۆ کۆنترۆڵکردنی دۆخەکە و ڕێگریکردن لە فراوانبوونی شەڕ بەردەوامن.
