وەزیری بەرگریی ئیسرائیل ئاشكرای كرد كە سوپای وڵاتەكەی سەرجەم ئامادەكارییەكانی تەواو كردووە بۆ دەستپێكردنی هێرشەكان بۆ سەر ئێران.
یسرائیل كاتس وەزیری بەرگریی ئیسرائیل رایگەیاند: جەنگی دژی ئێران كۆتایی نەهاتووە و سوپای ئیسرائیل ئامادەیە هێرشێكی گەورە و بەهێز بۆ سەر ئەو وڵاتە ئەنجام بدات.
راشیگەیاند: ئەگەر ئەمجارە ئێران بوێری ئەوەی هەبێت هێرش بكاتە سەر ئیسرائیل، زۆر بە توندی رووبەڕووی دەبینەوە و هێرشی دەكەینەسەر.
لەلایەكی دیكەوە سوپای ئیسرائیل لە هێرشەكانی بۆ سەر حزبوڵا لە تەواوی خاكی لوبنان بەردەوامە، بێ ئەوەی گوێ بداتە هەڕەشەكانی ئێران.
هەر لەبارەی ئاڵۆزی و گرژییەكانی چەند رۆژی رابردووی نێوان ئەمریكا و ئیسرائیل و ئێران، میدیا ئیسرائیلییەكان ئاماژەیان بەوەداوە كە رەنگە ئەمڕۆ یان سبەی، فڕۆكە جەنگییەكانی ئیسرائیل و ئەمریكا هێرشێكی بەهێز بكەنە سەر ئێران.
