هاوپەیمانیی عەرەبی بە سەرکردایەتیی سعوودیە ڕایگەیاند، هێزەکانیان سەرکەوتوو بوون لە تێکشکاندنی شەش مووشەکی بالیستی کە لەلایەن حوسییەکانەوە ئاراستەی خاکی سعوودیە کرابوون.
تورکی مالیکی، گوتەبێژی هاوپەیمانییەکە، لە ڕێگەی پلاتفۆرمی (ئێکس)ـەوە ڕایگەیاند، ئەو مووشەکانە ئامانجیان هێرشکردنە سەر شارەکانی "تائیف" و "یەنبوو" بووە، بەڵام سیستەمی بەرگریی ئاسمانیی هاوپەیمانییەکە توانیویەتی سەرجەم مووشەکەکان لە ئاسماندا پووچەڵ بکاتەوە.
گوتەبێژەکەی هاوپەیمانیی عەرەبی جەختی کردەوە کە هەر جۆرە پێشێلکاری و پەرەسەندنێکی سەربازی لەلایەن حوسییەکانەوە، بە تووندی وەڵام دەدرێتەوە و بەپێی ڕێکارە سەربازییەکان مامەڵەیان لەگەڵ دەکرێت.
