دەستەی دەریاییی بەریتانیا ڕایگەیاند، ڕاپۆرتێکمان سەبارەت بە ڕووداوێک لە گەرووی هورمز پێگەیشتووە، کەشتییەک زیانی بەرکەوتووە و سەرجەم کارمەندانی تیمەکەشی سەلامەتن.
ڕۆژی شەممە 27ـی حوزەیران، دەستەی ئۆپەراسیۆنەکانی بازرگانیی دەریاییی بەریتانیا (UKMTO) ڕایگەیاند: کەشتییەکی بارهەڵگر ڕاپۆرتی داوە کە لە ناو گەرووی هورمزدا بەر تەنێکی نەناسراو کەوتووە.
لە ڕاگەیەندراوەکەدا ئاماژە بەوەش دراوە، کە زیان بەر کەشتییەکە کەوتووە، بەڵام سەرجەم کارمەندانی تیمەکە سەلامەتن و تاوەکو ئێستاش، هیچ جۆرە زیانێکی ژینگەیی ڕانەگەیەندراوە.
