بەهۆی بەرزبوونەوەی پلەكانی گەرما، پارێزگایەكی عێراق بڕیاری دا بۆ ماوەی دوو مانگ دەوامی تەواوی فەرمانبەرانی پارێزگاكەیان كەم بكرێتەوە.
بەپێی نووسراوێكی پارێزگاری موسەننا كە ئەمڕۆ سێشەممە واژۆی لەسەر كردووە هاتووە: بەهۆی بەرزبوونەوەی پلەکانی گەرما، دەوامی فەرمی لە سەرجەم فەرمانگە حکوومییەکاندا بۆ ماوەی دوو کاتژمێر کەم دەکرێتەوە.
لە نووسراوەكەدا هەروەها هاتووە: ئەم بڕیارە لەپێناو بەرژەوەندی گشتی و پاراستنی سەلامەتی فەرمانبەران دەركراوە.
کەمکردنەوەكەش لە کۆتایی کاتی دەوامی فەرمیدا دەبێت و تەواوی مانگەکانی تەمووز (مانگی 7) و ئاب (مانگی 8) دەگرێتەوە.
