ئاژانسی (ئێرنا)ی ئێرانی لە زاری کاربەدەستانی پارێزگای سنەوە ئاشکرای کردووە، لە ڕێگای سنە بۆ هەمەدان شۆفێری تانکەرێکی گواستنەوەی سووتەمەنی کۆنترۆڵی لەدەستداوە و ئاگرێکی گرتووە، به‌هۆی ڕووداوه‌كه‌وه 13 كه‌س گیانی له‌ده‌ستداوه و شه‌ش كه‌سی تریش بریندار بوونه.
ئاژانسی ئێرنا لەم ڕاپۆرتەدا باسی لە ڕووداوێکی دڵتەزێنی ھاتوچۆ كردووه لە دەروازەی سنە (ڕێگەی سنە - ھەمەدان) کە بەھۆی له‌ده‌ستدانی كۆنتڕۆڵی لێخوڕین تانکەرێکی سووتەمەنی کە لە ھەمەدانەوە بەرەو مەریوان دەچوو لەگەڵ چەند ئۆتۆمبێلێکی تردا تووشی به‌ریه‌ككه‌وتن ده‌بێت و به‌هۆیه‌وه چه‌ندین قوربانی لێكه‌وته‌وه.
بەپێی دوایین زانیارییەكان کە لەلایەن بەرپرسانی فریاکەوتن و ھاوکاریی خێرای پزیشکییەوە له نهخۆشخانهی سنه ڕاگەیەندراون، به‌هۆی ڕووداوهكه ئاگرێكی زۆر دروست بووه و بووهته هۆی تهقینهوه و له ئهنجامدا بووهته ھۆی گیانلەدەستدانی 13 کەس و برینداربوونی شه‌ش کەسێکی تر.
ھێزەکانی فریاکەوتن، ئاگرکوژێنەوە و فریاگوزاریی خێرا دەستبەجێ دوای ڕووداوەکە گەیشتوونهته شوێنی مەبەست و سەڕەرای کۆنتڕۆڵکردنی ئاگرەکە، چارەسەری پێویستیان بۆ بریندارەکان کرد و ڕێگەکەیان پاککردەوە.
