عەلی زەیدی، سەرۆکوەزیر و فەرماندەی گشتی هێزە چەکدارەکانی عێراق، ڕۆژی سێشەممە لە کۆبوونەوەیەکدا لەگەڵ ژمارەیەک لە ڕاوێژکاران و فەرماندە سەربازییەکان، فەرمانی دا هەموو هێزە چەکدارەکان لە بەرزترین ئاستی ئامادەباشی دابنرێن.
نووسینگەی ڕاگەیاندنی سەرۆکوەزیر دەربارەی ناوەڕۆکی ئەم کۆبوونەوەیە ڕایگەیاند: عەلی زەیدی ئاستی ئامادەباشی هێزە چەکدارەکانی عێراق، بە تایبەتی تواناکانی هێزی ئاسمانی، دەریایی، بەرگریی ئاسمانی و هێلیکوپتەرەکان، لەگەڵ پێداویستییەکانیان لە ڕووی ئیمکانات، کەرەستە و تەکنەلۆژیا نوێکانەوە، پشکنین کرد.
لە بەردەوامیی ئەم بەیاننامەیەدا هاتووە: عەلی زەیدی فەرمانی بەرزکردنەوەی ئاستی ئامادەیی جەنگی هێزە چەکدارەکانی بۆ بەرزترین ئاستی ممکن دەرکرد. هەروەها جەختی کردەوە کە هێزی سەربازیی مۆدێرن چیتر تەنها لە چەکە باوەکاندا کورت نابێتەوە، بەڵکو پشت بە تواناکانی ئاسمانی، فڕۆکە بێفڕۆکەوانەکان (پەپەها)، سیستەمەکانی بەرگریی ئاسمانی و پێشکەوتنە فەنی و تەکنەلۆژییەکان دەبەستێت.
سەرۆکوەزیر هەروەها جەختی لەسەر قایمبوونی حکومەت بۆ دابینکردنی هەموو پێداویستییەکان بۆ بەهێزکردن و گەشەپێدانی تواناکانی هێزە چەکدارەکان کردەوە، بە شێوەیەک کە ئاسایش و سەروەریی عێراق دابین و مسۆگەر بکات.
