سەرۆککۆماری ئێران ڕایگەیاند کە هەوڵ بۆ درێژەدان بە جەنگ نادەن و سەرەڕای ستەمەکان، پێشینە دەدەنە ئاشتی. جەختیش دەکاتەوە کە هیچ کێشەیەکیان لەگەڵ وڵاتانی دراوسێدا نییە.
ئەمڕۆ شەممە 12ـی ئەیلوول، مەسعود پزیشکیان، سەرۆککۆماری ئێران ڕایگەیاند: "هیچ کێشەیەکمان لەگەڵ برا موسڵمانەکانمان و وڵاتانی دراوسێدا نییە، بەڵکو واشنتنە کە هەوڵ دەدات بمانکات بە دوژمن".
سەرۆککۆماری ئێران گوتی: "هەوڵ بۆ درێژەدان بە جەنگ نادەین و سەرەڕای ئەو هەموو ستەمەی بەر گەلەکەمان کەوتووە، پێشینە بە ئاشتی دەدەین".
لە درێژەی قسەکانیدا ئاماژەی بەوە دا، لە ناوچەکەدا پێویستیان بە پۆلیس نییە و یەکپارچەییی خاکی وڵاتان و ئاسایشی ناوچەکە تەنیا لە ڕێگەی لایەنە کاراکانی نێو ناوچەکەوە بەدی دێت.
