بڕیارە هەفتەی داهاتوو محەمەد باقر قالیباف سەرۆکی پەرلەمانی ئێران سەردانی بەغدای پایتەختی عێراق بکات.
میدیاكانی ئێران ئەمڕۆ دووشەممە بڵاویان کردەوە: محەمەد باقر قالیباف سەرۆکی ئەنجوومەنی شوورای ئیسلامیی ئێران (پەرلەمان)، سەردانی بەغدا دەكات.
بڵاویشیان كردەوە: سەردانەكەی قالیباف سەردانێکی فەرمی دەبێت.
میدیاكان تا ئێستا وردەکاری و بەرنامەی دیدار و کۆبوونەوەکانی سەرۆکی پەرلەمانی ئێرانیان لە میانی سەردانەکەیدا بۆ بەغدا بڵاو نەكردۆتەوە.
