لە ئێوارەی ئەمڕۆ پێنجشەممەوە منداڵێکی تەمەن 6 ساڵان کەوتووەتە ناو بیرێك لە كێڵگەیەكدا لە شارەدێی ڕەبیعە لە سنووری پارێزگای نەینەوا، تیمەكان تا ئێستا لە هەوڵەكان بۆ دەرهێنانی بەردەوامن.
بەپێی خەملاندنی دانیشتووانی ناوچەکە، قووڵیی بیرەکە 120 مەتر دەبێت و رووداوەكەش لە سەرلەئێوارەوە ڕوویداوە.
هەرچەندە تیمەكان تاكو ئێستا لە هەوڵەکانیان بەردەوامن بۆ گەیشتن بە منداڵەکە و دەرهێنانی لەناو بیرەكەدا، بەڵام بەهۆی ئەوەی هیچ دەنگ و جوولەیەكی نەماوە، گومان دەكرێت منداڵەكە لەناو بیرەكەدا گیانی لەدەستدابێت.
