ئه‌مڕۆ یه‌كشه‌ممه، دەستەی دەستپاکی فیدراڵیی له ڕاگه‌یه‌نراوێكدا دەستپێکردنی ڕێکارە توندەکانی ڕادەگەیەنێت، سەبارەت بە جێبەجێکردنی ئەو فەرمانی گرتنانه‌ی كه له ڕێگه‌ی دادگاوه دژی ژمارەیەک تۆمەتبار ئه‌نجامدراون به‌رامبه‌ر بە سەرپێچیکردن و دەستدرێژیکردنە سەر ماڵی گشتی (سامانی دەوڵەت) .
دەستەکە جەخت دەکاتەوە کە ئەم دەستکەوتە بەرهەمی یەکخستنی هەوڵە هاوبەش و تەواوکارییەکانی نێوان هەرسێ دەسەڵاتی دادوەری، جێبەجێکردن، و یاسادانانە لەگەڵ هەوڵەکانی دەستەکەدا، کە بە شێوەیەکی ڕاستەوخۆ بوونە هۆی جێبەجێکردنی ئەو فەرمانانە.
پاش ئەوەی کە بوونە ئەنجامی پرۆسەیەکی بەدواداچوون، وردبینی، و چاودێرییەکی بەردەوام و بێوچان لەلایەن لایەنە ئاماژەپێکراوەکانەوە.
دەستەی ده‌ستپاكی عێراقی فیدڕاڵ پێداگری دەکات لەسەر ئەوەی سەرجەم ئەو ڕێکارانەی گرتوونیەتەبەر بە وردی لەژێر ڕۆشنایی و چەتری یاسادا بەڕێوە دەچن و ئاماژە بەوە دەکات کە هێز و ورەی خۆی لە پشتگیری ڕەهای گەل، سەروەری یاسا، و پاڵپشتی بێ سنوور و پشتیوانی بەردەوامی بەڕێزان سەرۆکی ئەنجومەنی باڵای دادوەری، سەرۆکی ئەنجوومەنی وەزیران، و سەرۆکی ئەنجوومەنی نوێنەرانەوە وەردەگرێت.
لە هەمان کاتدا، پەرۆشی تەواو و پابەندبوونی نەگۆڕی خۆی نوێ دەکاتەوە بۆ ئاگادارکردنەوەی ڕای گشتی لە وردەکارییەکانی کار و ڕێکارەکانی بە وردی و شەفافییەت، بەپێی ئەوەی یاسا و ڕێساکانی بەکاربوو (کارپێکراوەکان) ڕێگەی پێدەدەن.
