فەرماندەیی ناوەندیی هێزەکانی ئەمریکا (سێنتکۆم) نوێترین ئاماری ئۆپەراسیۆنەکانی تایبەت بە گەمارۆی دەریایی سەر ئێرانی بڵاوکردەوە، کە بە "دیواری پۆڵایین" (Steel Wall) ناسراوە. سێنتکۆم دیمەنی فڕینی فڕۆکەیەکی جەنگیی جۆری F/A-18ی لەسەر پشتی کەشتیی فڕۆکە هەڵگری "USS George H.W. Bush (CVN 77)" بڵاوکردەوە لە کاتی جێبەجێکردنی ئەرکەکانیدا لە ئاوەکانی ناوچەکە.
بەپێی ڕاپۆرتی فەرماندەییەکە تاوەکو ڕێکەوتی 12ی ئابی 2026، هێزەکانی ئەمریکا ڕێکاری توندیان بەرامبەر ئەو کەشتییە بازرگانییانە گرتووەتە بەر کە هەوڵی شکاندنی گەمارۆکەیان داوە. تاوەکو ئێستا ئاراستەی 59 کەشتیی بازرگانی گۆڕدراوە، هەروەها 3 کەشتی بەهۆی پابەندنەبوونەوە پەکخراون (Disabled) و تیمەکانی ئەمریکا چوونەتە سەر پشتی 2 کەشتیی دیکە بە مەبەستی پشکنین و دڵنیابوون لە جێبەجێکردنی بڕیارەکانی حکوومەت.
ئەم ئۆپەراسیۆنانە وەک بەشێک لە ستراتیژیی توندی واشنتۆن دەبینرێن بۆ پەکخستنی جووڵە سەربازی و لۆجستییەکانی تاران. چاودێرانی سەربازی ئاماژە بەوە دەکەن کە چڕکردنەوەی پشکنین و ڕێگرییەکان لە گەرووی هورمز و دەریای عەرەب، نیشانەی ئامادەباشیی بەردەوامی سێنتکۆمە تاوەکو ڕێگری لە هەر جۆرە هەوڵێک بکرێت کە ئاسایشی دەریاوانی و گەمارۆ نێودەوڵەتییەکان بخاتە مەترسییەوە.
