پەیوەندییەکانی سوپای پاسدارانی ئێران لە ڕاگەیەندراوێکدا بڵاوی کردەوە، کەمێک پێش ئێستا سیستەمێکی پێشکەوتووی بەرگریی ئاسمانیی سوپا توانیویەتی دڕۆنێکی ئەمەریکی لە جۆری (MQ-1) لە ئاسمانی گەرووی هورمز تێکبشکێنێت.
لە ڕاگەیەندراوەکەدا هاتووە، ئەو درۆنەی کە بە "قەسابی قەندەهار" ناسراوە و زیاتر لە 20,000 کاتژمێر فڕینی بەسەر ئەفغانستاندا هەبووە، لە ئۆپەراسیۆنەکانی هێزی دەریایی و ئاسمانیی ئەمەریکادا بەکارهاتووە.
سوپای پاسداران ئاماژەی بەوەش کردووە، سەرەڕای ئەوەی ئەمەریکا لە چەند ساڵی ڕابردوودا درۆنی جۆری (MQ-9)ـی خستووەتە شوێنی ئەم درۆنە، بەڵام بەهۆی تێکشکانی بەشێکی زۆری ئەو درۆنانە، ئەمەریکا ناچار بووە جارێکی دیکە پەنا بۆ بەکارهێنانی درۆنی (MQ-1) ببات.
لە کۆتایی ڕاگەیەندراوەکەدا هاتووە، سیستەمە نوێکانی بەرگریی ئاسمانیی سوپای پاسداران توانای ئەوەیان هەیە ئەو جۆرە درۆنانەی ئەمەریکا بکەنە ئامانج.
