گوتەبێژی وەزارەتی دەرەوەی ئێران جەختی کردەوە کە لە ئێستادا هیچ دانوستانێک لەگەڵ ئەمریکادا لە ئارادا نییە، لە بەرامبەردا ئاماژەی بە بوونی گفتوگۆ لەگەڵ عومان کردووە.
ئەمڕۆ دووشەممە 3ـی ئاب، ئیسماعیل بەقایی، گوتەبێژی وەزارەتی دەرەوەی ئێران لە کۆنفرانسێکی ڕۆژنامەوانیدا ڕایگەیاند: "ئێمە لە ئێستادا هیچ دانوستانێک لەگەڵ ئەمریکادا ناکەین".
هاوکات ئاماژەی بەوەش کرد کە دانوستانەکانیان لەگەڵ عوماندایە بۆ دابینکردنی ڕێڕەوێکی سەلامەت بە ناو گەرووی هورمزدا.
